ՄԻՀԿ ցանց

Մենք հիմնել և տարիների ընթացքում զարգացրել են ՄԻՀԿ-ի Մարդու իրավունքների հետազոտողների ցանցը։ Ցանցի անդամները չեն հանդիսանում ՄԻՀԿ-ի աշխատանքային թիմի մաս։ Նրանք անհատ մասնագետներ են, ովքեր համագործակում են ՄԻՀԿ-ի հետ և մեր կազմակերպության առաջնային մասնագիտական և հետազոտական ցանցի մաս են կազմում։

Միշա Թադևոսյան

Կրթական հետազոտող

Միշան կրթության հետազոտող է։ Նա մանկավարժական գիտությունների թեկնածու է, ավարտել է Խաչատուր Աբովյանի անվան հայկական պետական մանկավարժական համալսարանը։

Նրա հետազոտությունների շրջանակը ներառում է կրթության քաղաքականության մատչելիությունը և հասանելիությունը, ակադեմիական բարեվարքությունը և ակադեմիական ազնվությունը:

Սոֆյա Մանուկյան

Բիզնեսը և մարդու իրավունքները և բնապահպանական ոլորտի մասնագետ

Սոֆյան ունի մարդու իրավունքների տեսության և պրակտիկայի մագիստրոսի աստիճան Մեծ Բրիտանիայի Էսեքսի համալսարանից։ Նա հետազոտող է և բնապահպանական ոլորտի մասնագետ։

Աստղիկ Գաուդյան

Լրագրող

Աստղիկն ավարտել է Լրագրության եվ մեդիա մենեջմենթի կովկասյան դպրոցը (GIPA), ունի արաբագիտության բակալավրի աստիճանը Երևանի պետական համալսարանից։

Աստղիկը փորձառու լրագրող և վիզուալ սթորիթելինգի մասնագետ է, համագործակցել է տեղական և միջազգային մեդիա հարթակների հետ։

Հայկ Սմբատյան

Սոցիոլոգ

Հայկn ավարտել է Երևանի պետական համալսարանի սոցիոլոգիայի ասպիրանտուրան: Հանդիսանում է Շվեդիայի Ուփսալա համալսարանի Խաղաղության և հակամարտությունների ուսումնասիրության մագիստրոս, ունի նաև մագիստրոսի կոչում հետազոտության մեթոդաբանության և սոցիոլոգիայի բակալավրի աստիճան՝ երկուսն էլ Երևանի պետական համալսարանից:

Հայկը մասնագիտացած է արցախյան հիմնախնդրի, մարդու իրավունքների հետազոտությունների և լրատվամիջոցների ուսումնասիրության մեջ, ինչպես նաև մի շարք ակադեմիական հոդվածների և վերլուծական զեկույցների հեղինակ է այդ թեմաներով։

Տաթևիկ Թոխյան

Իրավաբան

Տաթևիկ Թոխյանն ավարտել է Երևանի պետական համալսարանի իրավագիտության ֆակուլտետը, այնուհետև Պետական կառավարման ակադեմիան՝ ստանալով պետական ծառայողի որակավորում: Ունի ավելի քան 10 տարվա աշխատանքային փորձ մարդու իրավունքների պաշտպանության ոլորտում։ Երկար տարիներ աշխատել է ՀՀ մարդու իրավունքների պաշտպանի աշխատակազմում։

Աննա Փամբուխչյան

Մեդիա-խորհրդատու և հետազոտող

Աննան Եվրոպական միջդիսցիպլինար ուսումնասիրությունների գծով մագիստրոս է (Եվրոպայի քոլեջ Նատոլինում, Բելգիա), ունի նաև միջազգային հարաբերությունների և եվրոպական հետազոտությունների մագիստրոսի աստիճան՝ Կենտրոնական եվրոպական համալսարանից: Նա փորձառու հետազոտող և վերլուծաբան է, ունի տեղական և միջազգային կազմակերպությունների հետ համագործակցության բազմամյա փորձ։

Շուշան Ղահրիյան

Սոցիոլոգ

Շուշանը սոցիոլոգիայի և հետազոտության մեթոդիկայի մագիստրոս է (Երևանի պետական համալսարան): Նա փորձառու հետազոտող և ծրագրի ղեկավար է, ով համագործակցել է մի շարք տեղական և միջազգային կազմակերպությունների հետ:

Մարիա Վարդանյան

Իրավաբան

Մարիան մարդու միջազգային իրավունքների մագիստրոս է (Լունդի համալսարան, Շվեդիա): Նա մասնագիտացած է գենդերային հիմքով բռնության կանխարգելման, սեռական և վերարտադրողական առողջության ու իրավունքների պաշտպանության ոլորտներում:

Անի Հարությունյան

Միջազգային քրեական իրավունքի ոլորտի մասնագետ

Անին միջազգային հանրային իրավունքի մագիստրոս է (Լեյդենի համալսարան, Նիդեռլանդներ), նա անվտանգության ոլորտի փորձառու մասնագետ և հետազոտող է։

Տաթևիկ Ղարիբյան

Իրավական հարցերով փորձագետ

Տաթևիկն ունի համեմատական իրավունքի մասնագիտացմամբ մագիստրոսի ասիճան՝ Հայաստանի ամերիկյան համալսարանից, վերապատրաստում է անցել Թաֆթս համալսարանի իրավունքի և դիվանագիտության Ֆլեթչեր դպրոցումում (ԱՄՆ)։ Փաստաբանների պալատի անդամ է, աշխատել է նաև աշխատել է որպես փորձագետ Ազգային ժողովի պաշտպանության և անվտանգության հարցերի մշտական հանձնաժողովում։

Իզաբելլա Իսկանդարյան

Իրավաբան հետազոտող

Իզաբելլան ունի իրավագիտության մագիստրոս աստիճան՝ Հայաստանի Ամերիկյան Համալսարանից, ինչպես նաև Արդյունաբերական և Աշխատանքային հարաբերությունների մագիստրոս՝ Թուրինի Համալսարանից (Իտալիա): Ներկայումս Իզաբելլան ղեկավարաում է Հայաստանի եվրոպական համալսարանի իրավագիտության ամբիոնը։

Մուշեղ Հովսեփյան

Հաշմանդամություն ունեցող անձանց իրավունքների ոլորտի մասնագետ

Մուշեղը մասնագիտությամբ լրագրող-հանրային կառավարման մասնագետ է։

Հաշմանդամություն ունեցող անձանց իրավունքների ոլորտում աշխատում է շուրջ տասը տարի։ Այդ ընթացքում նա համագործակցել է տեղական և միջազգային կազմակերպությունների հետ, ունի նաև պետական կառավարման համակարգում աշխատելու փորձ։

Լուսինե Սաղումյան

Մարդու իրավունքների ոլորտի մասնագետ

Լուսինեն ունի Մարդու իրավունքների և ժողովրդավարացման մագիստրոսի աստիճան՝ Երևանի պետական համալսարանից: Նա մարդու իրավունքների փորձագետ է՝ գենդերային և սոցիալական ներառման ոլորտներում մասնագիտացմամբ: